【瓊姐樂評】
楊千嬅－色惑
評級：災難級
樂 壇 人 瑞 楊 千 嬅
災 難 級 驅 風 快 歌【色 惑】M V
現年44歲既楊千嬅（定42呀？是但啦），失驚無神整首驚嚇程度十足既國語快歌。論歌，曲其實無咩問題，仲幾好un，但歌詞實在太騎呢，乜野「叫我吞吞你吐吐」呀？叫我嘔吐咋。楊氏駭人國語咬字更使人側目，發音錯到令人懷疑佢洗唔洗去睇言語治療師。
成隻MV造型更加係閃靈級驚嚇。2秒一個close up楊氏大頭，塊面d批盪厚到令佢面無血色，有幾個大頭shot一時變盧苑茵，一時變施明，百變非常。4字頭既楊氏著低胸喱士胸圍已夠震撼，再加上底褲黑絲長boot，成個mon頓時傳出藥油味。對於近日天氣炎熱，嘆慣冷氣既大家，體內濕氣積累，呢個重口味mv絕對係盛夏驅風恩物，勁過飲蕙米水。
Search